未到中秋節又想睇舞火龍可以點？上網就得啦！Google前排同薄扶林村文化環境保育小組合作，將歷史悠久嘅薄扶林村加入Google Cultural Institute，令到網民可以透過Google街景服務，恍如置身薄扶林村當中，仲可以四周圍遊覽薄扶林村嘅景色。此外，Google仲將舞火龍活動放埋入去，由製作火龍到舞火龍儀式，一click就都睇得到。
話時話，其實薄扶林村喺舊年獲選入世界文物建築基金會2014年監察名單，係唯一入選嘅中國文化遺產，而入得呢個名單已代表薄扶林村喺香港歷史有重要位置，估唔到保育薄扶林村係靠Google唔係特區政府囉。