好多食肆老闆猛呻𠵱家難請人，唔少老闆為怕趕走大廚，好多時都要吞聲忍氣，有茶餐廳都用緊炒鑊機以減少依賴廚師，中電（002）見到呢個位可能有商機，早前協助一間本地廚具生產商研發全港首部電磁技術運作嘅全自動煮食機，炒飯、炒餸都得咁話。
呢部機咁大部，主要係商業用，炒飯炒餸都好，每次可以炒到四碟左右，未有實價，大約要3至5萬元一部，𠵱家有幾間本地主要酒樓、茶餐廳試用緊。用家只需要放入適當份量嘅材料同埋調味料，就可以由佢自己炒，再搵人𢳂出來上碟就得，唔使廚師都搞得掂，賣相應該唔會差過廚師自己炒，味道就要睇大家食唔食得出喇。