2015年非洲國家盃外圍賽周六展開，7屆冠軍埃及於G組首戰作客塞內加爾。埃及近一年成績優異，面對非洲對手幾乎全勝，加上塞內加爾有丹巴巴亞受傷缺陣，今仗秤先客隊，宜捧埃及[+1]的「客勝」！
埃及今次精銳盡出，召入了車路士翼鋒穆罕默德沙拿及侯城後防艾穆罕默迪等外流兵，配合一班在國內搵食的球員。自從在2013年初經歷過一段連敗走勢後，埃及表現漸趨平穩。
另一邊廂，塞內加爾近況平平，近6場比賽只得1勝4和1負；而且最具級數的射手、效力比錫達斯的丹巴巴亞卻因傷退隊，無緣今次國際賽期的兩場比賽，勢削減塞軍的攻擊力。往績方面，埃及亦食住塞內加爾，兩軍近6次交手，埃及取得4勝1和1負的成績，故今仗看好7奪非國盃冠軍的埃及。
南非客W埋「丹」
至於A組的南非就作客蘇丹，宜捧客W！南非雖然近5仗不勝，但牌面始終比蘇丹高，而且蘇丹的近況比南非更差，今年只曾踢過1場友賽。
賽制：28支參賽隊伍將先分7組，每組4隊作賽；每組前兩名球隊及一支最佳第3名將晉身決賽周賽事。
文：咖喱
識睇，一定係睇足英台【英波Live】：
http://soccer.appledaily.com
http://bit.ly/engballlive