【本報訊】全國人大常委就香港普選連落三閘，有份投票支持假普選框架的全國人大常委范徐麗泰將中央態度強硬歸咎於泛民「唔識得點同中央打交道」，每次與中央官員會面前都事先張揚要求，表現強硬。她又指對於個別泛民議員而言，普選方案否決反而有利，反而上次支持政改的民主黨就陷於兩難，若該黨有「大智慧大勇氣」支持政改，將是香港之福。民主黨主席劉慧卿則在另一電台節目反駁董建華指人大框架「貨真價實」其實是「A貨」。
民主黨主席劉慧卿在節目指市民不希望爭取一個無真正選擇、只讓他們投白票的機制，重申要求一個無不合理限制的真普選，不接受「袋住先」方案。她又反駁全國政協副主席、前特首董建華前日說人大框架是「貨真價實的民主」，其實是「A貨民主」，認為董建華多年來都無改變，今次只是為特首梁振英及中央站台，而中央在普選問題上的態度「無就最安心，有亦要控制整個制度」。
范徐麗泰則指，人大常委既已作出決定，就算泛民採取激進行動，亦難以逼港府讓步，「對方根本唔受你嚇，你越嚇對方越堅定，了解吓你對手啦，否則唔會成功。」她又指，有個別泛民議員，「我有個感覺係冇普選對佢有利，因為冇普選佢繼續爭普選，繼續批評政府，繼續攞足夠嘅票。如果你做立法會議員做好多地區工作，唔需要靠政治議題先選到，如果你做立法會議員只係講普選同批政府、反政府，唔做平時工作，咁好需要呢個話題，就係爭普選。」范太又認為董建華是基於關心香港才就政改發言，指「近年好多人懷念佢，一個好人，佢做特首時喺香港決定嘅嘢就進行……大家係覺得呢個老好人出來講吓嘢係好」。
施永青：應該袋住先
另外，政改民意關注組成員施永青稱，世界上沒有一個完美的選舉制度，對人大決定應該「袋住先」，批評泛民只從自己理念出發，「諗住倒模咁倒出嚟」，沒有尊重現實情況。