「蜥蜴仔」曾德華積極重生，日前記者就在太古城港鐵站附近發現孭着背囊的他拿着大叠傳單，烈日當空下猛向途人派發，其間途人避接居多。就街頭派傳單，記者日前致電蜥蜴仔，他說：「我𠵱家主要係做兼職派傳單同義工，唔做正職係怕要加班，咁樣會就到時間去做義工。」
蜥蜴仔表示派傳單工作時薪40元，他每日上午會工作3小時，他說：「咁樣派三個鐘，我每日有120蚊收入，有時我會趕兩場，下晝派多轉，月入冇固定，最多有5,000，有時少都3、4,000，我同屋企人住居屋，份糧勉強啦。有時我一個飯盒慳住食兩餐，又或者買麪包加杯奶茶。」
蜥蜴仔非常後悔行差踏錯，他以過來人勸喻年輕人：「我𠵱家做嘢有時都俾人歧視，後悔都冇用，我勸勉後生仔真係要讀多啲書，唔好走火入魔，唔好沉迷打機，我就深深體會到讀書唔成三大害。」
採訪、攝影：楊定