【雲端艷照風波之影完怕怕】荷李活101位女星iCloud裸照失竊事件，搞到娛樂圈人心惶惶，一班名人明星大呼網絡發達，卻絕不安全，危機四伏。前晚劉心悠、名模Jocelyn和老公Anthony、馬詩慧和囡囡王曼喜在中環出席Godiva發佈會。
馬詩慧和王曼喜母女對於iCloud事件，各持己見，媽媽先發言：「我近日至學識呢樣嘢（上網），我自己冇影啲唔可以公開嘅相，唔係咁大恐懼，𠵱家社會上多人將私相放上網。我只係唔明啲人成日自拍放上網，係咪驚之後唔記得自己個樣。」媽媽隨即轉身問女兒：「你有冇呀？」女兒狠狠地說：「No！」之後兩母女用英文開火，女兒質問媽媽為何要批評其他人做的事，最後王曼喜拋下一句：「人哋鍾意影咪影囉！」馬慧詩最後打圓場說：「我會提醒，但佢哋做唔做又係另一回事。」
對黑客自iCloud偷相再公諸同好感到不安，Jocelyn說：「我要即刻刪除所有相，網上永冇安全地方，雖然科技發達，但只會更加令人恐懼和不安，大家勿再將相片放上facebook和互聯網。」Jocelyn表示會考慮以後是否再影私密照，但絕對不會放上網。Anthony則認為這些相片不是讓大家觀賞，他說：「這些相片是大家親密時候拍的，有私隱，希望觀眾不要對這些相太有興趣。」
愛瑪鬧爆網民
另外，英國女星愛瑪屈臣（Emma Watson）前日在twitter指摘網民「食花生」，留言缺乏同情心，比起女性私隱在網上被侵犯更差。而艷照榜上有名的美國歌手Rihanna及名模Candice Swanepoel各自度假，懶理有沒有艷照流出。
採訪：卓寶花、盧妹
攝影：陳俊強
