【壹週刊】早前搭港鐵往羅湖時，在車廂咁啱遇到一場大戰。當時一對母子同一名阿伯開拖，事緣中年男子因為行李碰撞問題，同母子二人而發生激烈口角，雙方仲爆晒粗咁。而約廿餘歲的兒子，表現激動仲得想挑另一阿伯機，不時挺胸作勢撞向一阿伯，阿伯不甘示弱大聲還口，「我唔怕你打我，最多咪報警囉。」大家在車廂內不停高聲互相指罵，情況混亂之餘又相當擾人，附近一班睇熱鬧乘客都紛紛拿出手機拍攝，仲一路評論邊個有道理，估唔到香港依家變成咁，有咩事大家就鬥出手機，當事人見有人影就更激動表演。
卒之臨近羅湖站時，一名雙臂有紋身的江湖大漢，不憤港男和阿伯在他面前大聲叫又唔郁手較高下，忽然暴跳如雷大聲話「喂，要嘈出去嘈，唔好響我耳邊嘈，哇煩到我呀……，如果想打架就搵我打。」。戰況立即逆轉，阿伯怕事唔再出聲，變成兩母子轉移向紋身漢發洩，紋身漢不斷叫隻揪，兩母子最終忍手離開，鬧劇好彩冇變成血案。
依家手機流行，大家嗌交前真後要想清楚隨時被人放上網，而且各自出手機，衝突會變得更有挑釁性，只可以提醒乘客留意港鐵附例28條H，任何人不得在港鐵範圍內粗言穢語，違例者可被罰款$5000。
iPhone版下載： http://goo.gl/1SDaWF
Android版下載： http://goo.gl/xfQS8D