【本報訊】劏場劏到「霍霍聲」！中原地產創辦人施永青昨日發表「良心論」，嚴肅提示旗下員工勿亂搞劏場，他接受本報訪問說：「搞劏場要萬二分小心，如果真係做，要說服到公司將來個場有得發展嘅！如果問心都知道佢死嘅，咁唔應該幫人哋推。」
施永青認為，劏場難經營，「各有各租，一陣搞到賣皮草隔籬做牛腩麵檔，咁皮草咪索晒啲牛腩味。」他續稱：「係有啲場曾經成功過，但我印象，失敗的場多過成功的場囉！有員工同我講，做大律師，無論強姦好、謀殺又好，都要辯護啦！我哋受業主委託，咪幫佢賣囉，無話合唔合理，我哋做經紀咋嘛！我話，唔好搞到得不償失，我哋要商譽，期望客人幫襯完你買呢度，再搵你買另一度。嘩！幫你買過一次，啲錢就被困死，咁以後點幫襯你呀！我哋唔係公司仔，係要長期要喺香港立足㗎！」
對於是否他喝停該行近期代理旺角拆場「旺中旺」，他不予置評。
不過，近期獲委託拆售佳寶集團屯門青山坊300個劏舖的美聯集團董事總經理黃子華就認為：「拆場不乏成功例子，如旺角先達、尖沙嘴利時，且拆場成功與否，非取決於代理，而是位置及管理。在大商場被連銷店搶晒下，拆場有其存在價值，如民生舖。」
傳鄧成波8.3億回購商場
此外，內地發展商順聯集團四年前向資深投資者鄧成波買入的油麻地彌敦道525號美迪寧廣場，昨傳獲鄧成波回購，作價約8.3億元。2010年順聯以6.96億元向鄧成波收購該商場，持貨近四年，賬面雖賺約1.34億元，惟該集團當年斥資近億元翻新，打造醫療商場。
另外，市傳南京街13號全幢，以約1億元沽出。
繼細價樓呎價連創新高後，升勢蔓延至中價樓，港島東屋苑成交連番創歷史高位。中原陳凱超表示，西灣河逸濤灣1座極高層C室，實用745方呎，景觀開揚。業主5月放盤時叫價1,300萬元，由於單位即將交吉，買家願追價至1,358萬元連租約購入，呎價18,228元，創同類單位新高。原業主2004年12月以620萬元買入，持貨10年獲利738萬元，單位升值近1.2倍。