郭偉亮（Eric Kwok）和周柏豪前晚在西環出席「FASHION OBJECTS DESIRE Awards」活動，因貌似演Iron Man的羅拔唐尼而走紅的Eric Kwok最近接了幾部戲，其中一部演變態殺手，要減10磅，最近狂睇變態片，他說：「成日煲，一返到屋企就變態，所以其實Grace（葉佩雯）對我好包容。」這邊廂大讚老婆，提起荷李活裸照，Eric Kwok又自爆曾經衝入廁所影Grace，他說：「佢都唔畀我影，我試過幾次都唔成功。不過我都係玩下，我只係鍾意見到佢大叫。」
周柏豪開紅館騷在即，日前操肌過度致血糖低，他說：「係暈咗一暈，瞓咗喺架車上面，我同工作人員講，15分鐘都係咁，就送我去醫院，不過最後當然冇去，我都唔想喺娛樂版俾人話操肌過度入院。」
採訪、攝影：盧妹