冰桶挑戰熱潮下，唔少政界中人聚首時都互問：仲有冇數未找？有人趁機語帶相關講笑，狼英條數找極都唔會完，事關佢嘅競選承諾，例如取消強積金對沖比率、標準工時立法等，全部空口講白話。而佢呢頭話唔搞焚化爐，最終又話搞，呢條反口覆舌嘅數，又點同佢計先？
佢仲有好多條數係慷納稅人之慨去找！例如大增福利開支，無非為谷民望，估計政改原地踏步危機下，佢連任在望，更加會喺未來開倉派糖！
而屋宇署放生梁宅之時又窮追猛打嘅唐宮僭建案，唐太雖然被判罰款，但3位專業人士獲判無罪，屋宇署仲要賠償堂費。呢筆疑似用嚟幫狼英打擊對手嘅賬，令佢「隊冧」咗唐唐做特首，港人之後冇日安樂，其實點止係納稅人埋單，直情係全香港人幫佢埋單囉！