細價樓缺盤兼屢創新高，無樓在手的深感不安。一位去年見樓價高賣了自住單位的業主，租了一年樓後，終於按捺不住再高追入市。這也難怪，皆因不少人都會以炒股心態對待物業，見自己層樓升咗咁多，篤計數機賺了多少，就心癢癢要獲利回吐，覺得一鳥在手勝兩鳥在林，袋咗才是真，租住一、兩年等低位再買回來。去年賣咗今年追回，可能買貴一成，但有些相信梁振英上場後會整低樓市，連超級梁粉都四出叫囂，搖旗吶喊，唱淡樓市的鼓舞下，在2012年就搶先賣樓的，就更揼到爆，樓價起碼差了三成以上，還未計期間的租金成本呢！
其實，有樓在手自住的人士，根本不應隨便見樓價高賣樓，特別是賬面賺錢而又供得輕鬆的，賣來幹嘛？看淡最多就不要換大樓而已！即將退休的或已退休的，最多亦是大屋換細屋，不要租樓，不然幾年一搬，老人家如何吃得消？有間屋在手，往後亦可做逆按揭，既有屋住亦每月有些使費！
有屋在手的不要為樓價高低自尋煩惱了！
沙膽虹
twitter賬號：khcheung1