正所謂「家家有本難念的經」，八方都無從知道，香港嘅第一家庭出咗乜事，以致特首狼振英嘅次女梁齊昕，會對媽媽唐青儀咁有意見噃，但肯定嘅係，齊昕呢排又係唔太開心嘞！
話說齊昕噚日頻頻喺fb留言，先係話唔想再睇咁多新聞，因為世界上太多嘢令人作嘔，最後話"pray for peace"，要為和平祈禱！其後冇耐，曾經po割脈照嘅佢則留言，話將手指放喺手腕，感受脈搏，同時好奇，停咗脈搏會係點？由於有割脈前科，唔少友人即刻叫佢relax同有happy thoughts，有人勸佢講笑搵第二樣，唔好諗亦唔好試！唔知齊昕因乜解究，有此奇想呢？