周永恒（Roy）和外遇劉依靜的疑似淫照曝光，趙頌茹（阿Yu）昨發聲明「別無選擇」暗示離婚，好友可嵐接受本報電話訪問說：「戥佢好難過！點解啲人做小三做到咁，好惡心，太賤！」可嵐指早幾日阿Yu向她訴苦老公搞女人：「作為老婆好難頂，當時佢好震驚、呆呆哋，feel到佢難過，但聲線扮冇嘢故作鎮定，雖然冇喊，呢樣最擔心。」
可嵐透露阿Yu很掛念兩個女兒：「佢好想湊番兩個女，我叫佢以大局為重，始終佢冇經濟能力，暫時有奶奶照顧，對小朋友比較好，我話如果佢想要番兩個女，當然要努力工作，至於佢哋分唔分開，尊重番佢哋自己，作為朋友希望佢哋好，每個人都有機會做錯嘢，希望Roy真係改善。」
好友高皓正亦希望Roy能反省，他在電話說：「佢哋交晒畀警方，祝福佢哋，希望最後佢會反省。」有指Roy曾向友人晒淫照，高皓正否認有睇過：「梗係冇，如果有，一早鬧爆佢。」明日Roy為家暴案上庭，高皓正表示若遷就到時間會相陪：「我結婚佢係兄弟，冇話撐邊個，只係想佢兩個好。𠵱家等法庭判決，有好多弟兄為佢祈禱。」
採訪：皓騫
