香港教育學院昨舉行開學禮，學生會派發單張和象徵民主的黃絲帶，會長黃菀靖在致辭時指，人大常委會為普選落閘，摑了香港人一巴掌，將響應大專院校罷課不罷學行動，「罷課係不合作運動第一步，如果政府依然對民意視而不見，大學生將抗命不認命，向不義政權宣戰」。教院校長張仁良指校方尊重言論自由，但未正面回應會否處分學生罷課。
校長：尊重學生表達立場
教院新生昨普遍有接過黃絲帶，讀中文系的阿爽支持罷課行動，「香港人做咗咁多年運動，最終目的係想揀一個自己真係想要嘅候選人，唔係中央話OK就OK，畀個假普選我冇意思」。讀視覺藝術的Nicholas認為，準老師身份不影響參加罷課，因行動為香港長遠爭取更好環境，「係咪老師身份唔重要，呢個係整個社會嘅事，只要認為普選對香港整體將來係好都要爭取」。
讀社會科學的呂同學對人大政改框架不滿，他指參照港府往績，袋住先沒好結果，「例如港鐵可加可減機制，變做有加冇減機制，睇番往例冇乜可能有改變，我哋應該爭取番想要嘅、切合香港現實情況」。
學生會會長黃菀靖指，過去教院學生一直予人「比較乖、唔會搞搞震」的印象，但人大以頒聖旨姿態決定繼續小圈子選舉，她呼籲學生發聲抗爭，守護香港，「有啲嘢可以讓畀人，包括金錢、時間，間房可以同人share（分享）。但人嘅尊嚴、自由、民主，我哋嘅家園，香港係寸步不讓」。
教院校長張仁良指尊重同學表達自己立場，學校將如常運作。他指會按一貫做法處理罷課學生，更反問記者「（讀大學時）大家係咪全部上晒堂？」