隔牆有耳：美女倒奶咖啡拉花 - 李八方

拉花咖啡越嚟越普及，相關比賽都有唔少，但噚日喺會展嘅香港餐飲展就有一場較別開生面、名為《美女倒奶拉花咖啡挑戰賽》嘅較量。八方梗係親自到場，睇吓咩葫蘆賣咩藥，發現參賽係一批着得好性感嘅模特兒，而呢批美女，確實真係要自己倒奶，因為要倒啲奶喺咖啡上拉花，好在八方冇諗多咗！原來佢哋都係由專業導師教授，有一兩個都有板有眼，喺咖啡拉出嘅圖案都幾靚，最後由2012中國小姐簡寶瓊奪冠。

而噚日至本月4日，同場仲會舉辦國際咖啡師大賽2014─香港區賽，冠軍得主可以代表香港去到外國參與國際級大賽，同世界各地嘅專業咖啡師交流比拼。