唔通因為有傳中央會喺佔中失控時鎮壓清場，令唔少人諗番六四屠城一幕，甚至六四劊子手李鵬（圖）嘅相貌？事關港大民意研究計劃最新一輪有關港人對內地同台灣政治人物民望嘅調查發現，同五個月前相比，頭三位雖然依次係國務院前總理朱鎔基、國家主席習近平及國務院前總理溫家寶，但其他排名卻有令人意外之處，尤其國務院前總理李鵬竟然再次晉身十大排第九，國民黨榮譽主席連戰則跌出十大。台灣總統馬英九排名就升兩位至第六。
由於呢個調查先以熟悉度行先、再評分作準，要有一定認知度先可以入圍進入次輪評選，點解退下火線多時嘅李鵬，突然熟悉度大增？八方認真覺得係個謎！除咗見佔中思六四，亦唔排除政圈盛傳習近平最近整肅李鵬，令佢再度「名氣大噪」。