今次北京為普選全面落閘，溫和派學者固然死心，紛紛表態反對，其實政府內也有大批中生代十分不滿，卻不敢公開表態，也不會響應泛民辭職抗議建議，但卻不代表這批人會低頭認命，有官場中人憂慮，或有更多政務官「搵路走」，想辦法離開政府轉投私人機構。
「搵隻狗做特首都唔反對」
有官場中人對季陶說，目前政府內一批30多到40多歲的中、高級公務員、特別是一些政務官，雖然他們政治立場傾向保守，但普遍認同香港要有民主普選、解決目前政治死局，「呢班人唔認同佔中、公民提名，但普遍同情、認同溫和、中間民主派，唔認同普選要排除佢哋」，並覺得溫和、中間民主派，較某些獲重用的愛國愛港人士更有能力協助政府改善管治。
北京卻對普選全面落閘，等同表明繼續其親疏有別管治策略，「用人只問親疏、不問賢愚，難聽啲講，只要聽話，搵隻狗做特首北京都唔反對」，故在這個局面下，未來管治根本「冇得搞」。該官場中人笑言，他們也是「務實」的人，縱然失望、不滿，也絕不會如泛民所說「劈炮」抗議，但肯定越來越多人「搵路走」，離開政府轉投私人機構，「若果出面有工、唔使減人工，有乜理由仲留喺（政府）？」據知不少人更以政制及內地事務局前副局長黃靜文為目標，「好似佢咁走人、搵份簡單、唔使對住CY、人工又唔錯嘅工，幾好！」
季陶