家陣呢個電子時代，仲邊度有人寄信㗎，咁樣更加令到以前嘅郵品，格外珍貴！最近圓滿結束嘅蘇黎世亞洲（Zurich Asia）香港拍賣會，一連兩日推出逾3,000件極具歷史價值嘅珍罕郵票同郵品等，其中最矚目嘅拍品，莫過於1895年1月25日，天津寄往紐約咸美頓嘅掛號實寄封。呢個有成120年歷史嘅拍品，經過一輪競投後，最後由一名藏家透過電話以高達149萬5千港元投得。嘩，身價近150萬咁巴閉？原來呢個拍品相信係現存最早期，經美國郵政上海代辦所寄往美國嘅慈禧郵封（圖）嚟㗎！至於1980年發行嘅8分猴年版票，票面金色艷麗，亦係郵政珍品，今次拍賣的兩件，每件成交價都達138萬港幣喎！