何安達不撐人大決定，同為香港政改民意關注組成員的中原集團創辦人施永青卻贊成「袋住先」，認為各地普選制度沒有完美，相信中共會繼續改善選舉制度，人民亦會繼續爭取：「冇人話可以停止演變，即使秦始皇隔咗一陣都會改變制度，『袋住先』係唔會影響以後嘅演變。」
指政治制度透過演變而成
施永青指，政治制度乃是透過演變而成，非一步到位，例如有些地方以往也由貴族先有投票權，再演變至一人一票：「最重要係攞咗一人一票，其他地方再待改善，好過乜都唔要。」
即使提名門檻由八分一大增至過半數，施也認為沒有問題，因關鍵是提名委員會組成方法。
施承認提委會委員多受北京控制和影響，但願意接受不完美：「如果有一部（份）不完美，就成個（方案）唔要，世界上冇乜嘢係要得，冇必要將一個不足嘅環節，擴大到整個都唔要，我係比較務實。」
他指當市民有票在手，即使未能投票支持代表自己政見的候選人，起碼可否決不喜歡的人：「民主制度最大功能，係畀你否決（你認為）唔好嘅政府……人民嘅否決權係民主最大功能，冇理由唔畀香港人有呢個否決權。」