對導演龍剛病逝，他在電影中的大膽嘗試及風格，頗值得今日不少拘泥於合拍片格局的導演反思。彭浩翔在烏甸尼電影節跟龍導有一面之緣，很欣賞對方在電影上的前瞻性：「我哋呢一代導演，想拍自己風格電影，但投資者會先問我哋，部戲上唔上到內地，如果話唔得，咁投資者根本唔肯支持，有時都好無奈，未必拍到想拍嘅嘢。」曾經跟龍剛合作過《神偷次世代》的導演郭子健，自言受他3句真言影響深遠：「龍導演係好犀利嘅人，佢同我講過『一個章節係一場戲，一本書係一套電影，一個字句就係一個鏡頭。』唔同時期有唔同問題，佢當年就有國語片同粵語片之爭，𠵱家就係合拍片同港片。不過記得佢話過『只要用心去拍嘅電影，唔怕冇人睇』，重要係有冇用心拍。」
同樣在烏甸尼與龍導相遇過的杜汶澤，昨在電話中說：「拍電影又咁有氣度嘅人，呢個世界所剩無幾。」龍剛的電影以本土意識行先，現在電影卻以合拍片為重，是否意味港片已死？阿澤說：「巿場唔同咗，各有各選擇，我未死，好多人都拍緊戲，冇問題。」
採訪：李森