花旗喺銀行界向來人才輩出，超過25年年資嘅新知舊雨，每年都聚首一堂。日前佢哋又舉行每年一度嘅「舊生及銀禧職員會晚宴」，今年再冧莊公佈第二屆「卓越舊生獎」，表揚對該行及業界有貢獻嘅賓架。今年得獎者，乃服務花旗27年嘅集團前香港區行長陳子政，首屆就係效力咗花旗23年嘅前財爺梁錦松。
現任東亞高級顧問嘅T.C（陳子政），從花旗香港及澳門區行長盧韋柏接過獎項，緬懷當年。佢話自己30歲時已決定人生到半百就退休，開展另一階段。
當晚出席嘅花旗人，仲有前八達通行政總裁張耀堂及曾效力花旗人力資源部嘅教育局局長吳克儉。