《警訊》節目都成日教人，唔好輕易俾外界嘅甜言蜜語呃倒，否則一定墮入世紀大騙局。嗱，現實生活中，正正有個天仙局擺喺市民面前，試問一個只由1,200人小圈子權貴組成嘅提委會、經半數提委支持下先可出閘嗰2至3個特首參選人，會係市民心目中嘅特首真正人選咩？
所以當由林鄭月娥領導嘅政改三人組，喺人大落咗三道閘後仲發動新一輪宣傳攻勢，誤導市民「有票，梗係要！」唔少網民即時改圖諷刺一番，包括將口號改成「有票，等同冇」，以及將箭嘴標誌上原來寫有「此路往投票站」，惡搞成「此路往地獄」，另有網民更覺得「袋住先」等同「此路往死路」。