介紹過十匹短途翹楚後，今日為大家推介十匹一哩銀行馬，當中表表者當然係大摩馬房之「步步友」，在港首季一出即贏田1200 米後，上季更成熟，即可連番於田草1400、1600 勝出，包括勝出一級賽香港經典一哩賽，目前雖已加至124 分，但今季肯定專攻級際賽，無須擔心要孭重磅，亦肯定係香港一哩錦標擂台躉之一。
至於其餘同類銀行馬，較有進步空間必然係姚廐「百勝不厭」，上季贏兩場田草1400 末段皆締最快時間，今季四歲肯定仲有進步，有力征服第三班。
另外，其餘八匹精選銀行馬還有「包裝鬥士」、「好加加」、「觀自在」、「好健康」、「喜多盈」、「戰利品」、「準備就緒」及「魚躍鳥飛」。