如果皇馬係C朗一人球隊，話巴黎聖日耳門（PSG）係伊巴謙莫域（上）一人球隊，就真係冇誇張。之前伊巴受傷，搞到球隊喺伊維恩身上失分，周日法甲伊巴復出之後即省入3粒，加上對手魯菲亞擺烏龍，同卡雲尼亦入番一粒，主場以5:0狂勝聖伊天，錄得今季最大勝仗。呢場波身為後衞嘅大衛雷斯，就當然好得閒，佢就繼續喺個人Twitter搞搞震，將自己招牌爆炸頭，key落伊巴度（小圖），仲好開心咁留言：「做得好，伊巴！」
呢場波仲有位稀客現身，就係法國中場保羅普巴，佢上周六幫祖雲達斯踢完意甲開鑼戰後，就趕到巴黎睇波，普巴仔就解釋自己只係捧哥哥、聖伊天後衞波格巴場，叫傳媒唔好多心，自己喺祖雲達斯過得好開心。不過之前PSG已經傳過想買佢，佢亦係PSG教練白蘭斯愛將之一，今次高調現身，難免又引起過檔PSG傳言。
識睇，一定係睇足英台【英波Live】：
http://soccer.appledaily.com
http://bit.ly/engballlive