本地樂隊Supper Moment 憑《無盡》一曲贏盡歌迷心：「夢想於漆黑裏仍然鏗鏘，仍然大聲高唱，仍然期待世界給我鼓掌。」
日前他們首次與兩位視障歌手（徐綺華及羅紫勳）落力賣唱直至深宵，動主播Jasmine及動主播參賽者Samuel（6號，楊家文）隨着歌聲，深宵摸上綵排室，來一個動主播出「夜更」，直擊秘密綵排實況！
Supper Moment當天下午出席活動後便直接去到綵排室準備，雖然只是綵排，但眾人都出盡全力。Samuel趁機訪問一下他最愛的樂隊，問到樂隊主音Sunny首次與視障歌手夾歌，會否有難度，Sunny毫不猶疑回答：「好多人就係以為佢哋好有難度，咁但係其實我又覺得音樂其實唔係要嚟睇，有陣時候其實係要去感受。」
Sunny補充：「其實有個好偉大嘅音樂家叫Stevie Wonder，其實佢都係失明人士，但係佢仍然可以創作到一啲真係好好聽嘅音樂！」而樂隊結他手Martin更認為視障人士的聽覺比一般人更加靈敏。除了聽覺靈敏，兩位視障歌手徐綺華（Cindy）及紫勳的演出經驗也非常豐富，紅館都去過了，因此這次假伊館舉行的「協進同行五十年演唱會」對她們來說簡直是手到拿來。演唱會將於 2014 年 9月 6 日晚開show，眾星將會雲集伊館，同場加映許志安、J.Arie、陳慧敏、觸執毛、新青年理髮廳、盧冠廷同 C AllStar，他們將會crossover多位視障人士齊齊「用音樂看世界」。
即使經驗值爆晒燈，但始終要與眾多星星同台演出，兩位視障人士都做足準備。著重舞台感的Cindy說：「由呢邊盡頭行去嗰邊嘅盡頭，即係想自己知道（舞台）大約有幾大， 咁自己心中有數， 到時知道自己企喺一個咩嘢位置。」而紫勳則想透過演唱會讓大眾更了解視障人士：「而家可能好啲啦，但係我覺得以往嘅人覺得視障嘅人都係弱智o架！」
音樂總監C.M.Lee認為：「其實佢哋做到嘅野同健視嘅朋友係無分別，甚至更加好！佢哋其實係需要一個平台、一個機會，畀大家去認識到佢哋可以做到嘅嘢。」因此他悉心編排演唱會的選曲及音樂製作，都是為了帶出「平等、機會、獨立」這三個主題。
究竟他們的綵排實況如何？兩位經驗豐富嘅視障歌手歌聲如何？去片吧！
【動主播召喚2014】網址： http://anchor2014.appledaily.com