滙源（1886）是一間令人感莫名其妙的公司。明明在市場具領導地位，品牌又不是完全broken，果汁這個sector亦有良好增長，照計有得搞㗎？但呢間公司，多年來卻不停「自殘」，過度擴產導致使用率偏低，又無厘頭走去開展啲低margin的業務。直至舊年滙源話要改革，搵咗好多有國際企業背景的專業人才入局，聲稱大股東朱新禮會放手，畀晒佢哋搞。一年後，公司完成了集資，新CEO即被調走，由大股東親信重新掌權。
恕海迪直言，滙源畀出來的guidance、到最後是可以成功做到的，印象中寥寥可數。海迪不知某些市場人士的樂觀情緒從何而來，尤其是有券商竟可把滙源目標價，踢到上10蚊以上（滙源昨瀉一成後，收報3.03元），認真耐人尋味。整件事的背後，是否有甚麼特別考慮？公司的改革能否繼續推進？仍有待時間驗證。只是，這場大龍鳳過後，有芬佬朋友已經心死，決定用一句話來總結：呢個故事教訓大家，唔好諗住同朱新禮玩囉。
中國人的企業，大股東對於上市公司是屬於「公眾」的意識，是相當薄弱。有曾經替民企打工的港人專才直言，你要民企老闆肯交盤數畀你，建立制度，落實良好企業管治，簡直和落實民主普選一樣咁異想天開。兜兜轉轉，左遮右掩，最終都是原地踏步，甚至會出現倒退的局
海迪