「本人30到尾，人工20-30k。我上司正正是Son姐之前所講過嘅無能上司，佢為人冇料縮骨冇承擔！最慘佢停留咗喺20年前大公司嘅高壓管理模式（不論對廠及下屬）；只聽想聽嘅，逆向聲音全部自動隔渣，話冇聽過！大家都覺得自己好似對住689咁！常創啲天馬行空嘅解決方法叫下屬去執行，出到去俾人笑兼冇成效就話係下屬執行得唔達佢標。本人俾佢經常點上大陸做啲無聊對業務冇幫助嘅嘢，本諗住份糧包咗，忍佢！點知同時間因廠方喺管理上大改革，成績有大進步，佢歸功於佢自己掉動人手有方去領功都算；我因健康問題，提出希望停一停，因為每次回港翌日都腸胃不適或發燒，更引發起皮膚病；喺冇問候情況或關心起因下，只有一句回覆：繼續。情緒方面我已經去到負面，每日都唔想返去；冇嘢學之餘，好怕自己冇進步，怎至退步。廠客雙方都對我好好，好合作；但我對住呢件上司，請問我為咗佢辭職係咪好不智。請賜教！」
你要是真的健康出現問題，根本毋須考慮，一於辭職走人。你這份人工，做份甚麼Sales工都搵得到。
你有如此強勁的網絡，又肯跑肯做，要是轉行做保險，百萬元年薪有何難？難就只難在你沒有決心，打破衝出你自己的困局。
你上司是個甚麼人都擺出面，應該問邊個不知才對，你發甚麼牢騷？你如此不忿又火滾，為甚麼選擇忍完再忍重新再忍而不是反枱？要走要留選擇權視乎你想點，不是他想點，你究竟想點？既然廠客雙方和你關係都好好，有沒有想過從中為自己找個新機會？做人做事，最忌三心兩意拖拖拉拉，事情很簡單你硬要複雜化。
受夠抬起頭就走，沒有勇氣走就低頭繼續做，講完！
張慧敏
http://www.facebook.com/HKcareerdoctor