北京呢期為咗落閘唔畀非愛國愛港人士選特首，循不同渠道放風，話此舉係要防範外國勢力干預港務云云，但又冇指明道姓講解詳情。咁啱美國駐港總領事夏千福，呢期回歸平淡，冇上任時咁高調現身，惹嚟政圈諸事之徒話，肯定事有蹺蹊！
八方相信呢啲人應該係諗多咗，千福BB亦似乎冇對號入座唔現身，日前美領館就圖文並茂post咗千福BB最新近況，原來美領館最近同環保公司HK Recycles合作，捐咗兩架貨van支持佢哋嘅回收服務，而呢間公司，仲會去到領事館員工宿舍同千福BB官邸，收集可回收嘅物料。唔知千福BB支唔支持回收狼班子嘅庸官呢？