對某啲港女嚟講，可能唔食飯，都要自拍喎！咁到底網民至like嘅selfie熱點係邊度？專門分享美妝購物資訊嘅社交平台gooodapple.com，特別喺8月初進行「香港人最愛自拍熱點」選舉，由369位網民選出香港10大自拍熱點，首位完全冇驚喜，女士去到清水灣沙灘，當然要着住bikini selfie一吓！喺迪欣湖嘅公主look，大家一定見得多，排第二亦唔意外。
反而中環都爹利街竟然力壓機場on board排第三，估唔到鍾意扮拍戲嘅人多過晒命去旅行嘅喎！第五位則係牛棚，去到唔扮文青，唔通做憤青？gooodapple.com 8月初仲喺網上訪問1,284位本地消費者，發現自拍並唔係年輕人嘅專利，因為三成有自拍習慣嘅受訪者係31歲以上嘅男女。
