【記者朱雋穎報道】「政治可以改變當下政局，教育就係塑造未來世界。」戴着Google眼鏡、手持iPad的朱子穎，一副潮爆IT人模樣，是浸信會天虹小學的校長，今日迎接上任第二個開學日。朱校長才34歲，全校教職員數他資歷最淺，卻無礙其改革老區小學的決心，以科技融入教學，令學校煥然一新，免遭殺校之禍。
教師拍片予學生備課
傳統教學模式由老師主導，學生排排坐在課室聽書，回家做功課。朱子穎卻引入「翻轉課室」教學模式，學生在家先觀看老師預先製作的教學影片，一般不長於五分鐘，「小朋友資質未必一致，但如果睇一次唔明，可以睇多幾次」；回校就討論、做功課，「人同人嘅相處時間好珍貴，應該好好用喺交流上，傾得多可以撞出好多火花」。
善用科技的他，又收集了八十台平板電腦，供學生上堂使用。校外教學時每人手上一機，可拍照又可塗鴉，方便寫報告。分組討論的集體筆記，亦可馬上拍照存檔，上載教學網便於參考。校內又設三台3D打印機，高小學生上電腦、視藝或數學科時，都有機會學習寫程式、設計立體模型，即時列印更添真實感。
朱校長認為，莫以昨天的方法教今天的孩子，「以四年級常識科為例，2008年修訂嘅教科書仲教緊睇國家用世界大地圖、睇街道用香港小地圖，但今時今日人人都係上網睇電子地圖㗎啦」。
他又指出，「過去好多技術都只被1%人掌握，𠵱家好多途徑可以釋放技術，讓99%人都能觸及。好多基層家庭支持唔到小朋友學樂器、做設計，但𠵱家可以用電腦自己學」，那怕輸在起跑線，也可急起直追豐富人生。
教學模式顛覆如此，年長老師們能接受嗎？朱子穎稱，老師的魅力才是優質教育的關鍵，「如果只係用平板電腦吸引學生，初時當然有效，但亦好快會失效。資深老師未必擅長用新科技，但由年月積累的技巧、親和力，持有嘅信念，都係科技所不能替代，亦係教育嘅核心」。