【壹週刊】呢排興玩「冰臨城下」淋冰水，玩到差唔多水尾，但就把整個活動搞到古靈精怪，有父母淋BB，又有後生仔深夜在街上玩。上個禮拜行去黃金海岸，點知淋冰熱潮連呢度都有，而且仲變成一門生意。原來食腦泳灘士多老闆，一見呢股熱潮，即識得從中搵錢，套餐服務收費$50，另加膠桶按金$50，即放低一張紅衫魚，士多就會提供一個膠桶及冰粒供客人玩冰桶挑戰，雖然屬小生意，但勝在成本平，趁此股熱潮當發一個小橫財也算不錯，唔知沙灘士多老闆賺左錢後，有無捐返少少出來呢?
不過上週晌黃金海岸，遇見靚女泳客Jessica，佢話如果成班朋友玩，佢都會花錢幫襯，但始終係慈善野，俾人用來做生意就好似有衝突咁哦。
最抵死係士多職員珍姐，佢爆料話冰粒本來收25蚊一桶，但老闆見生意好，現加價至30蚊，另加冰桶租金廿蚊，成個套餐50蚊，珍姐細細聲話冰粒用士多製冰機整，成本好低咋！
iPhone版下載：
http://goo.gl/1SdaWF
Android版下載：
http://goo.gl/xfQS8D