【相識多年】
作為一名「香港仔」，李律仁始終認為香港有其優越性，理念與另一位「香港仔」蔡東豪十分接近，原來兩人相識多年，對於《主場新聞》突然結束，李律仁只有感到「可惜」兩個字。
對《主場》結束感可惜
李律仁與蔡東豪的相識始於證監會，當時他在證監會工作，而蔡東豪則為證監會雙重存檔事宜顧問小組成員。訪問中，李律仁不只一次讚蔡東豪「叻仔」，點叻？「因為很多會從投資者角度發聲嘅人，很多都只流於原則或者訴求，而唔知道機器係點運作，熟悉機器點運作嘅人如Tony（蔡之洋名），（雖然）會去幫另一邊做嘢，但又搵到空間去幫投資者發聲，我覺得咁先係叻囉！」
「我覺得Tony好識搵賣點……而且可以將佢執行得好靚」。《主場》應該算是被蔡東豪「執行得好靚」的其中一個項目，李律仁對《主場》的結束只有感到可惜，「可惜係來自他嘅背境、能力及網絡，只此一家。」李律仁無嘗試查明蔡東豪結束《主場》的真正原因，因為他尊重朋友，「朋友公開講咗隻故仔係咁樣，就係咁多喇。」