【拆局】
雖然特首梁振英昨仍稱要為政改進行第二輪諮詢，但有泛民及政府中人質疑目前形勢下，「諮詢仲有冇人理、仲有冇意義？」更大的問題是，未來大半年政治爭拗必會再升溫，不要說政改不會有共識，「恐怕連民生、社會議題都唔再會有共識」，擔心早晚出現民憤「大爆發」。
雖然政府仍想力說泛民繼續討論政改，據知有政府中人私下也接觸個別溫和泛民，希望他們「大局為重」，在人大框架下繼續商討。
「仲衰過入中聯辦談判」
有泛民人士指：「佢哋（政府）話仲有空間可以爭取，希望唔好咁快就斷絕談判」。但有溫和泛民直言與北京及特區政府已「冇乜好傾」，指人大常委會的決定基本上不留任何談判餘地，「咁樣仲有乜可以傾、傾落去仲有乜意義？」他又指如此一個保守方案，若泛民仍繼續與政府商討，「到時實畀支持者鬧死，仲衰過入中聯辦談判」。
有政府中人也稱政改諮詢空間幾近零，更擔心未來大半年政治爭拗會禍延民生、社會議題，立法會無法運作、民怨勢必升溫，社會對立加劇，料政改及其他議題也難有共識，遲早出現民憤「大爆發」。
《蘋果》記者