【專訪】
香港股市是一潭水。劣質內地民企視為易騙的「活命水」，抽完就散水。著名財經專欄作家曹仁超則覺得，港股是「好乾淨的水」，擔心會被內地「好污穢的水」玷污。金融發展局政策研究小組召集人李律仁看得更世故坦白，「香港市場唔係清水，而係『無水』」建議應借滬港通向國際展示香港「過濾中心」的角色。
記者：吳永強 石永樂
李律仁是執業大律師，主打金融案件，但他的舞台不限於法庭內。他曾任證監會企業融資部總監，工作長達五年，現時是金融發展局成員，擔任該局政策研究小組召集人。同時擁有財經和法律根底，看到近日劣質新股良莠不齊，頻頻於短時間內發盈警甚至爆煲，李律仁不憂慮會影響香港國際金融中心的形象，反而可藉機向世界證明香港有力處理內地「走出去」對國際金融市場帶來的問題。
看重出事後處理手法
「一個地方聲譽好唔好，制度健唔健全，唔係在於有出事定無出事，而係在於出事後個處理手法……唔係有事就係唔好，而係有事又處理到，咁先係好。香港𠵱家就係向全世界解釋，淨係我哋做得到。」他亦認為香港以「守門口」方式防止劣企來港已經「做到盡」，「打開門做集資中心，無理由望有一個審批程序係可以審晒啲風險走。」
滬港通開通在即，兩地股票市場準備大融和，曹仁超早前稱擔心香港的一池清水會被內地玷污。李律仁卻認為香港的問題是「無水」，「（香港）有冇辦法向全世界嘅人講，大家都驚，但你應該要搵我做，因為我做得好。」
指證監冇放生保薦人
證監會近日決定放棄立法狙擊新股保薦人的刑責，令市場質疑證監忽然手鬆。本身是引入加強新股監管「雙重存檔」制度推手之一的李律仁則認為，證監會做法並非放生保薦人，反而是最務實的做法，「唔需要立一條法將訊息放出去，證監呢幾年的訊息都好清楚，就係會睇保薦人做得好唔好。」他又認為，與其要花一段長時間去與立法會周旋新法例，倒不如在現有已能涵蓋的法例內先「做到盡」，「我唔覺得應該要立法去做一啲本來已經做到嘅嘢，應該利用已有嘅法例，做盡佢先。」
港交所在失落千億大刁阿里後，終在日前開動同股不同權的諮詢，諮詢文件內亦有引述李律仁有份策劃的金發局研究報告內容，支持港交所今次向公眾諮詢的理據。對於同股不同權，李律仁亦支持有諮詢，「有一啲規則，唔係個規則啱定唔啱，而係有規則大家就要跟，然後要改規則，大家就要討論。」他又以「揸車」作喻，指只要最終一定要得到市場共識，「呢條路嗰陣劃咗行50公里，但經驗話畀我哋聽行80公里都可以，咁大家就可以一齊拎出嚟講，有個共識就得。」