平機會主席周一嶽除咗唱歌叻，打波查實都好勁。佢噚日現身香港壁球公開賽決賽現場，由揸咪變為揸拍，踏上佢另一個表演「舞台」，就係香港公園體育館全新嘅藍色四面玻璃壁球場，參加「名人挑戰盃」。佢噚日拍住港區全國人大代表林順潮，迎戰冠軍練馬師葉楚航同金管局總裁陳德霖，結果以局數2：1贏波。
到底呢個舞台有乜咁巴閉，令周一嶽願意獻技？原來香港壁球總會最近獲馬會慈善信託基金捐咗132萬，購置全新透明玻璃壁球場，早前喺蘇格蘭舉行嘅英聯邦運動會同下月舉行嘅仁川亞運會嘅壁球項目，都係用呢類型透明玻璃壁球場，相信日後會吸引到更多國際賽來港舉行。