阿歷斯山齊士雖然連續兩場入波，但未能令阿仙奴在周日英超尾場，從升班馬李斯特城全取3分，只能打和1:1。兵工廠被逼和失分之餘，更有中堅哥斯尼傷出，可說是賠了夫人又折兵。
山齊士入波於事無補
阿仙奴由於有前鋒基奧特因傷長唞至明年1月，故領隊雲格以耶耶辛洛高打箭頭，上場聯賽後備落場有好表現的中場辛迪卡索拉，頂替了韋舒亞打正選。上半場他們佔盡上風，控球比率達68%，射門亦多達15次，但未算太到肉，只得4次中門。
耶耶辛洛高用行動證明有力爭正選，戰至20分鐘時橫傳予阿歷斯山齊士射入，這亦是山齊士連續兩場有入波。但槍手的優勢只保持了兩分鐘，荷西烏路亞接應舒洛比左路傳中，禁區內跳贏在比賽時撞傷頭部的哥斯尼輕鬆頂入，為李城追成1:1。4分鐘後，在12分鐘受傷的哥斯尼終於撐不住，要由哥林張伯斯入替。半場雙方踢成1:1。
阿仙奴換邊後繼續處於主導地位，射門次數甚多，但受制於主隊的嚴密防守，未能找到入波機會。最後他們作客打和李城1:1，頭3場聯賽取得1勝2和。文：青蛙仔
識睇，一定係睇足英台【英波Live】：
http://soccer.appledaily.com
http://bit.ly/engballlive