【開學了】
【記者黃靜薇報道】電影《生命中的美好缺憾》十分賣座，劇中男主角用「精靈基金」與女主角遠赴阿姆斯特丹拜訪喜愛作家，原來現實中也有「精靈基金」！願望成真基金早前幫患血癌的男生達成心願，令他在化療期間重拾希望，痊癒後終考上大學一圓中醫夢。
鍾承殷（Irish）於14歲確診急性淋巴性白血病，最初只是感冒、發燒，但精神越來越差，家人開始生疑便帶他去診所化驗，才發現患上血癌，「好突然！我以為只係小病痛，雖然爺爺患過血癌，但完全冇諗過自己會同呢個病掛鈎」。
堅持理想甘願重讀
化療初期用藥較重，病人需要住院約八個月，Irish也被迫休學，「嗰陣心情好低落，我啱啱被揀中做管弦樂團團長，又係學校嘅保齡球和足球隊成員，校園生活好精采，但一夜間乜都冇晒」。看着身邊好友繼續升班，自己只可在病榻上磨耗時光。「嗰時有個願望，就係擁有一部小提琴，陪我撐過療程。」從醫院社工得悉，香港有基金專門替患重病的兒童實現願望，Irish便即管一試，結果很快獲成功批核，買了一部過萬元的德國小提琴，「真係好開心！可以同身邊嘅人分享我最鍾意嘅音樂」。
完成兩年化療後，Irish終於2011年初重返校園。他笑指自己從前是街童，但康復後立志當中醫師，不再貪玩乖乖上學，「上堂好容易覺得攰，屋企人叫我睇中醫，情況就慢慢好轉。如果我做到中醫，就可以幫患癌病人減低痛苦」。
即使病情受控，身體也不如一般人強壯，精神不能長時間集中，但Irish仍堅持每天溫習六小時應付文憑試。去年他原本考入教院中文教育，但毅然選擇重讀，「收到offer都有猶豫過，但我始終想讀中醫」。自修一年後，嶺南大學社會科學院錄取了他，但他堅持「唔係自己心儀嗰科就唔讀」，最後考上廣州暨南大學中醫系，下月開學。
【壹錘佔中】8月31日 5pm直播
壹錘定音: http://hammerout.hk
和平佔中: http://occupycentral.appledaily.com
YouTube: http://bit.ly/occupycentral