【仍見曙光】參與6.22公投的80萬民意，令本來對政改不抱希望的Joe以為「有得傾」，不料兩個月後，人大落閘消息猶如「冰淋城下」。幸而，絕望中仍見一線曙光，希望人大方案令民主派團結。他因要照顧家庭，不直接佔中，但會參與不合作運動聲援，也準備長期抗爭。
從事資訊科技業的Joe在港土生土長，妻子是加拿大籍回流港人，育有2歲兒子。他自言非社運先鋒，但會參與7.1遊行和6.4集會。今年6.22公投，他與妻子親到票站投票。80萬票，每票都是籌碼，共識是公民提名，當權者卻置若罔聞。「中央落閘預咗，係對特區政府完全唔會受我哋感召而失望」。
佔領中環被捕的代價並非人人承擔得起，Joe認同佔中理念，但顧慮家庭，明言不會做明顯犯法的行動，「道德感召力唔足以要求一般香港市民，去做戴耀廷所講嘅佔領行動，因為成本太高，我承受唔到呢個成本」。他對不合作運動則義不容辭，例如有人提議在中環乘搭路面交通工具，堵塞主要通道，「做到幾多就做幾多，聲援真真正正肯去犯呢個規嘅人」。
「道具銀紙袋嚟做乜？」
他說，港人不可能心存僥倖，期望單靠一場運動逼政府回應訴求，惟有長期抗爭，包括立法會議員辭職發動公投，將「世紀騙案」寫進歷史。即使最終無法扭轉局面，至少上過擂台，「（抗爭）失敗唔等於理念錯，香港人唔係咁低層次」。
只要5名民主派議員倒戈，政改方案便會通過，Joe相信泛民守得住，「以前可能有啲位畀你議價，𠵱家近乎零，睇唔到可以用乜理由，或者邊個夠膽投贊成票」。不過，無論是否通過，結果均是中央欽點某人出閘。兩害取其輕，他寧原地踏步，「唔好成日話冇得袋，畀錢就話袋咗好，道具銀紙袋嚟做乜？」
港人深明妥協之道，Joe亦然。他說不想「冇彎轉」，「嗌價梗係公提，大家明白呢個對我哋最好」，但如中間方案沒有篩選，有意參選者均可入閘，他會考慮支持，但決不接受「假普選」。
他悲觀地認為香港遲早淪為「賺錢城市」，除了商業，便無其他值得驕傲的價值，已為兒子將來移民鋪路，「𠵱家未差到要走，仲捍衞到自己睇法，但下一代未必得，唔想佢喺香港越嚟越唔自由」。
【壹錘佔中】8月31日 5pm直播
壹錘定音: http://hammerout.hk
和平佔中: http://occupycentral.appledaily.com
YouTube: http://bit.ly/occupycentral