衞冕英超的曼城，上周六聯賽主場面對史篤城，就算全場圍攻，客軍前鋒馬美迪奧夫憑一己之力「爆贏」曼城防線，令曼城以0:1敗陣，嘗到今季首敗，開季兩連勝走勢亦告終。
曼城挾上仗擊敗利物浦的餘威，埋齋的阿古路更以正選姿態上陣，但今仗再主場出師，面對硬朗的史篤城並不易捱；3分鐘阿古路已被客軍中堅梳爾哥斯踢傷，需由軍醫入場治療。曼城上半場控球指數高達88%，但面對全軍退守的史篤城，威脅並不多，上半場補時階段，中場耶耶托尼接應左路傳中近射，惜中楣彈出。
換邊後，曼城再有耶耶托尼勁射，被史篤城門將比高域飛身撲出。安心反擊的史篤城，58分鐘更出現金球，前鋒馬美迪奧夫在自己後半場開始運球，連過高拉洛夫及費蘭甸奴兩關，並射破赫特「大細龍門」，獨力摧毀曼城防線，之後主隊換入迪斯高、捷西斯拿華斯等加強攻力，奈何阿古路、耶耶托尼等埋門一一失機，史篤城以1:0擊敗曼城，令曼城嘗到英超首敗。此外，「天鵝」史雲斯憑尼敦戴亞梅開二度，加上魯迪治建功，主場3:0大勝西布朗，開季3戰全勝。
文：牽牛
識睇，一定係睇足英台【英波Live】：
http://soccer.appledaily.com
http://bit.ly/engballlive