莫斯科斯巴達（圖）開季表現好，加上射手迪斯奧巴「弗到漏油」，周六於俄超作客幾乎場場輸波的阿馬卡，贏波冇難度，讓半/一，必上盤。
莫斯科斯巴達上場以2:1險勝烏法後，頭5場聯賽取得4勝1負。現時他們傷兵滿營，缺少了摩域斯恩、舒洛哥夫及奧比利斯，其中奧比利斯料要到歇冬後才可復出比賽，但仍有迪斯奧巴、卡斯唐及泰斯治等好手壓陣，加上阿蘭尼迪斯及華維斯分別病癒及傷癒復出，陣容仍完整。要留意，司職前鋒的迪斯奧巴超「弗」，上場入兩球後聯賽已入6球，肯定可為阿馬卡後防帶來大威脅。
兵工廠W有「古」講
阿馬卡雖然沒主力傷停，但狀態差，頭5場聯賽1和4負，加上近年主場對莫斯科斯巴達亦成績差，近5戰1勝4負，故難望於周六搶得分數。同日圖拉兵工廠主場對古賓，古賓雖有中場施高奧利殊因停賽缺陣，但陣容仍算完整，米加利祖、艾夫連波波夫及伊拿特耶夫等主力都可上陣，加上開季成績理想，頭5場聯賽3勝2和，故此，他們作客到頭5場聯賽是1和4負的圖拉兵工廠，料可全取3分，亦取客W。
至於莫斯科魚雷近5場聯賽1勝1和3負，兼近3次訪摩度維亞軍全輸，宜捧有主場之利的摩度維亞。文：青蛙仔
識睇，一定係睇足英台【英波Live】：
http://soccer.appledaily.com
http://bit.ly/engballlive