通訊局審批亞視續牌申請已經進入最後階段，有消息傳出通訊局極有可能不建議續牌予亞視，亞視對消息作出即時反擊，指公司會上下一心，推出一系列大型節目，並開拍劇集，所以亞視急推處境劇《女神辦公室》做頭炮，當日執行董事葉家寶在宣傳記者會上表示各方投資共7,000萬合拍，強調亞視藝員會有機會參與演出。
當一眾渴求拍劇的亞視藝人聞言，都非常雀躍，還以為完成強迫性演藝訓練班後，可以學以致用，豈料會是一場歡喜一場空！據知《女神辦公室》現正開拍第二輯，主角早已內定是4個內地演員劉傑、付然、白莫菲、鍾思華，亞視藝員只可以客串做吓「茄喱啡」，剛續約亞視的演藝訓練班導師劉錫賢（肥仔賢），早前被點名到廣州為《女》劇拍攝一組戲，飾演一個鹹濕製片人，專責非禮女主角付然。
「最好就自由度高」
肥仔賢昨日接受電話訪問說：「好似我係第一個上去，已經拍完喇！下個禮拜去配音，都係客串一場，叫我做個製片人。」被問到角色只是非禮女主角，他說：「冇所謂喇！好似有人問我點解簽番亞視咁，我覺得最好就係自由度高，一邊收人工，一邊唔返工，所以佢哋簽我，問我有乜嘢要求，我要求要自由，就係咁簡單。」
無綫獨大，亞視雖然積弱，但亦偶有佳作，早在95年《今日睇真D》曾播放解剖外星人紀錄片，收視一度高達20點以上，擊敗無綫《城市追擊》，成為一時佳話。事到如今，亞視打算作出最後努力，計劃在今年底重拍《大地恩情》和開拍一套由高志森監製，以張國榮、陳百強和鍾保羅主演電影《喝采》為藍本的新劇。
採訪：非非
【壹錘佔中】8月31日 5pm直播
壹錘定音: http://hammerout.hk
和平佔中: http://occupycentral.appledaily.com
YouTube: http://bit.ly/occupycentral