無綫近年除咗有唔少靚仔靚女藝人相繼離巢，深受網民歡迎嘅新聞小花、女主播似乎同樣做唔耐，今個月更連走兩個，繼明珠台及普通話台嘅林曦如之後，經常喺前線跑新聞嘅小花藍可盈亦都離職，傳聞佢會轉去幫恒基地產主席李兆基（四叔）打工。
中大畢業嘅藍可盈同其他新聞小花一樣，被網民冠以BB暱稱，網上有大量可盈BB嘅電視畫面截圖。可盈BB前年先由有線過檔無綫，估唔到咁快就唔做。
無綫女主播或者記者走吓一個又一個，上年新聞小花黃紫盈被傳因為同另一女主播張文采有拗撬而離開；而由無綫實習做起嘅「親生女」盤翠瑩，上年都轉職馬會；再數遠一啲，以淡定見稱嘅主播方健儀，亦過檔廉署。見到咁樣嘅情況，八方相信唔少高登仔會覺得非常失望囉。
【壹錘佔中】8月31日 5pm直播
壹錘定音: http://hammerout.hk
和平佔中: http://occupycentral.appledaily.com
YouTube: http://bit.ly/occupycentral