胡森馬房嘅「索咖啡」，由於好拍檔貝湯美今季唔來港策騎，令隻馬落入韋達手上，呢朝（29日）佢首次過檔，人馬出試泥地1200米大閘，「索咖啡」出閘有啲論盡，早段喺尾列位置，以為佢狀態唔夠好喇，點知一到直路就見真章，以凌厲後勁力壓對手勝出，真係充滿鬥心及質素。
「索咖啡」上季一戰新馬賽即勝，當日熱到得2.1倍，可見幕後對佢嘅實力幾咁有信心。雖然家陣只係67分三班馬，但佢今季狀態進度咁好，而且只得三歲，進步空間巨大，如果話佢有潛力向一班出發，相信都冇乜人反對。
另一方面，上季成績唔達標嘅胡森，今季的確知恥近乎勇，除咗「索咖啡」正力谷狀態之外，早幾日胡廐亦有「勁勇威龍」同「歡欣滿載」同樣試閘勝出，馬房動態明顯比過往積極，睇嚟胡森好大決心喺今季初搶攻，希望一洗上季嘅頹風。
識睇，一定係睇足英台【英波Live】：
http://soccer.appledaily.com
http://bit.ly/engballlive