完成周四多場歐霸盃附加賽次回合賽事,歐洲足協喺周五馬上進行歐霸盃分組賽抽籤。熱刺強勢晉身分組賽亦抽到好籤,喺C組對手只係比錫達斯、柏迪遜同埋卓普利斯,唔算難踢。
大部份歐洲頂級聯賽球隊,喺周四歐霸附都順利過關,意甲國際米蘭主場以6:0大破史達蘭;慕遜加柏贏得仲多,7:0大炒薩拉熱窩。
英超球隊方面,季初好勇嘅熱刺,派唔少副選上陣一樣贏波冇難度,主場3:0大勝AEL利馬素,兩回合計贏5:1;但另一支英超球隊侯城就出事,雖然佢哋次回合喺主場2:1贏洛格倫,但兩回合計2:2,最後輸作客入球出局。另外,法甲嘅里昂都入唔到分組賽。
熱刺抽好籤,另一支英超球隊愛華頓就唔係咁好踢,愛華頓喺H組要同另外兩支頂級聯賽球隊同組,包括里爾同禾夫斯堡,仲有俄超嘅卡斯洛達都唔弱,要出線有啲難度。
識睇,一定係睇足英台【英波Live】:
http://soccer.appledaily.com
http://bit.ly/engballlive