近日香港風雨飄搖,政改、佔中等大事日日有新進展,要靠一班記者行家追到實報道畀公眾知,都咪話唔辛苦。報界噚日有個令行家振奮嘅消息,八方當然唔係指ICAC去壹傳媒老闆肥佬黎屋企調查啦,而係某大報業集團向全公司所有員工派錢!八方聽聞,該報趁今年報慶,噚日宣佈向員工派5,000蚊至10,000蚊不等,人工20,000蚊以下嘅派5,000蚊,20,000蚊或以上就派人工嘅四分一,上限係10,000蚊,就連未過試用期嘅新同事都派1,000蚊。