2014至2015馬季將於下月14日開鑼，換言之係時候搵定銀行馬；本報資料組亦趁住暑期空檔，協助大家發掘今季可長線追捧馬匹。首先今日先揀咗10匹短途翹楚，以便大家備忘。
須知本港賽事以短途賽為主，由於賽程不少，如果可以搵到一兩匹短途新星長追，分分鐘贏到你笑。好似上季之「神舟十號」，一出即贏田草直路賽，其後再於同程連捷，全季累積五W兩P，可見實力相當驚人。今季肯定專攻級際賽，如果進度理想，話唔定更可於香港短途錦標為港增光。至於其餘九匹可追捧的銀行馬為如下：「醒目波幅」、「兵威振」、「正大光明」、「天心星」、「幸福指數」、「香江福星」、「金珀龍華」、「陽明囍囍」和「金獅福將」。