海洋公園海洋劇場噚日上演全新表演，今次主角唔係海豚，而係主席孔令成、副主席劉鳴煒同行政總裁苗樂文。佢哋應韓國愛寶樂園、香港寬頻邀請接受「冰桶挑戰」，負責淋冰水嘅除咗吉祥物威威獅令，仲有盈盈同樂樂──當然係真人版。
呢個活動係為咗提高公眾對肌肉萎縮性脊髓側索硬化症關注，為香港肌健協會籌款。苗樂文感受應該最深，因為佢話佢外父喺2010年，就係因為肌肉萎縮症過身，令佢深深感受到呢個病對患者家屬影響。公園除咗捐款，仲透過協會邀請肌肉萎縮症病人同親友免費遊海洋公園。苗樂文就邀請香港迪士尼樂園、香港會議展覽中心及海昌控股有限公司接受挑戰。