被指擅自更改7.1大遊行頭條標題嘅《明報》編務董事呂家明，早前被《明報》員工直斥為賊，呢位「賊人」事發後返咗加拿大，八方聽聞呢位「賊人」，噚晚回歸《明報》，此際係中央對香港政改一錘定音嘅關鍵時刻，難怪有員工話佢「敏感時刻，總見影蹤」。
呂家明將7.1大遊行新聞嘅標題，由「爭普選大遊行 人數10年新高」，河蟹成「數百預演佔中 警員抬人清場」，更歸咎於當時編輯與記者「跑光了」，事實卻非如此。
明報職工協會理事噚日一見到呂，即時上前要求同佢會面，同埋要求佢道歉，點知呂家明只係以「適當時候」、「處理晒工作先」推搪，至於點解喺咁敏感時間先返《明報》，呂家明回應話「香港政治一向敏感」，明報職工協會對呂嘅回應表示遺憾，會繼續跟進。