香港有代表性的歌手買少見少，前晚「新城國語力頒獎禮」派發126個獎給中港台韓國歌手，陳奕迅、楊千嬅和鄧紫棋（G.E.M.）都缺席，只有容祖兒獨力撐場，明顯跟鄰座的新生代歌手格格不入，完全零交流。
勸新人做好準備
頒獎禮上，台灣歌手楊宗緯和容祖兒分別囊括四個獎成為男女歌手大贏家，祖兒除奪最受歡迎歌手獎外，其他三個獎項是以《破了的米菲兔》一曲奪得國語力歌曲、熱爆K歌和熱播冠軍歌曲大獎，但祖兒對此反應平淡，問到香港冇代表，祖兒說：「係囉，我都好尊重頒獎禮，我諗佢（Eason）唔得閒，我咪當唱吓歌囉。」
問祖兒是否覺得好悶？她聞言後長嘆一聲說：「我嘅睇法係頒獎禮，我去得一年少一年，人生係倒數緊，如果我仲去到，我會樂意參加，當然我哋呢個年齡，同時下嘅歌手認識梗係少啲喇，呢啲冇得講。」祖兒強調並非獨力撐場，只是其他歌手沒時間出席，她笑說：「我得閒咪我頂囉！」
頒獎禮上不少新歌手表現失準，祖兒說：「其實係要準備多啲，無論個表演幾多分鐘，要有足夠準備去做，呢個係基本入場嘅條件，頒獎禮係我哋細個俾人認識嘅好機會，有機會我可以分享吓呢啲經驗。」
阿嬌少見William
此外，鍾欣潼（阿嬌）被指缺席宣傳劇集遭陳偉霆（William）杯葛，阿嬌否認說：「冇啊，好少見到佢，我係做咗一兩次宣傳，其他都冇mark期，我冇問番佢，唔通我問佢你杯葛我咩。」她表示在低潮期曾被圈中人杯葛。
採訪：盧妹
攝影：陳俊強
新城國語力頒獎禮2014部份獎項名單
最受歡迎歌手大獎：容祖兒、楊宗緯
最受歡迎舞台大獎：G.E.M.
最受歡迎歌曲：《你給我聽好》陳奕迅
突破舞台大獎：《色惑》楊千嬅
亞洲歌手大獎：楊千嬅、梁漢文、蘇永康、孫耀威
亞洲人氣偶像：鍾欣潼
全國最受歡迎歌手：楊宗緯、周筆暢
資料來源：新城電台