【本報訊】觀塘翠屏南邨三死兩傷奪命火，500多名街坊摸黑逃生，不少老弱婦孺要走十數層樓梯逃命，亦有人手抱倉鼠走火，情況狼狽。不少居民脫險後驚聞陳家死傷慘重，深感痛心，有教會團體昨晚便在案發翠樂樓對開舉辦福音晚會，近半百居民為陳家悼念及祝禱。
有人為瞓多陣拒逃生
起火單位對面屋的互委會主席陳伯，事發時偕妻女逃生，他稱：「佢（男事主）拉條喉救火，大聲叫個老婆開窗！」其女兒指：「嗰陣好大煙，伸手不見五指，我仲以為陳生喺屋入面叫出嚟，後尾見佢處理緊條喉先知佢喺出面，話太太同仔女喺入面，叫我哋走先！」22樓林伯驚聞警察廣播後亦要行樓梯走火：「好在落樓梯好啲，冇咁辛苦！」
34樓楊小姐匆匆袋起五籠倉鼠，與母親及胞妹狂奔落樓逃命：「好大煙，落到20樓大煙到行唔到！」她又指母親起初不肯逃生：「佢話應該唔會好大陣仗，瞓多陣，我話人命攸關，仲唔走，真係激死我！」房署聯絡起火單位鄰近住戶，了解有否需要協助維修，民政處亦為部份受影響住戶安排住宿。
